Talatannan ne wata mace ta kai harin kunar bakin wake a birnin Maiduguri, babban birnin Jihar Borno dake arewa maso gabashin Najeriya.
Misalin karfe 11 na rana da mintuna 20 ne aka samu tashin wasu tagwayen boma-bomai wadanda ake zaton wata mace ce ta kaishi a bayan kasuwa da ake cewa Monday Market.
Rahotanni da Sashen Hausa na Muryar Amurka yake samu na cewa wannan hari yayi sanadiyar rayuka a kalla 30, da dama kuma sun jikkata.
Bayanai dake fitowa daga asibitin koyarwa na Jami’ar Maiduguri na cewa an kai gawarwaki fiye da talatin da wani abu.
A kwanakin baya dai, an fuskanci cewa ana yin amfani da mata wajen kai hare-hare, musamman tun bayan sace dalibai mata yara sama da 200 daga makarantarsu ta sakandare dake Chibok.
‘Yan jarida a birnin Maiduguri sun bayanna cewa jama’a sun san mayakan Boko Haram, lamarin dake kalubalantarsu wajen kai hare-haren bom a cikin birnin, shiyasa suke amfani da mata.
